Nongpoh, Nailar 09: Ka Seng HNYF, UHM bad HITO ha ka janmiet 8 tarik Nailar ki la pynphai ia kumba 23 ngut ki bar jylla kiba la wan rung beain hapoh ka thain Jirang, Ri Bhoi District.
Kine ki bar jylla la kynnoh ba la wan ialam da u wei u rangbah khasi ban pynbylla pom siej ha kawei na ki khlaw kaba don ha ka thain Jirang.
Katkum ka jingpyntip da ki nongialam ka HNYF, UHM bad HITO ba kynthup ia u samla Airmen Wahlang, u Mormesor Rani bad u Wos Thangkhiew, ki la iathuh, ba ki dkhot ka seng ki la ioh jingtip halor ka jingdon jong kine ki bar jylla ki bym lah ban ithuh, kumta marmar ki la leit ban khynra ia ka jaka sah jong ki bad la lap ba kim don kano kano ka kot ka sla kiba biang.
La iathuh ru, ba ha ka jingtohkit la shem ba ia kine ki bar jylla la wan ialam da u wei u rangbah khasi ba la tip kyrteng kum u Lankester Nongphlang na ka bynta ban pyntreikam ia ki ha kaban pom siej na kawei ka khlaw ha Jirang.
Kine ki 3 seng ki la pynpaw ia ka jingsngewkhia kaba jur halor ka jingleh jong u ne u rangbah khasi u bym shem la pyrkhat lang ia ki para khasi kiba dang kyrduh kam kyrduh jam, ha ka jaka ban ai kam ia ki para khasi u la wanrah pynban da ki bar jylla ban trei ha ki kam bapher bapher kaba la pynduhnong pynban ia la ki para khasi kiba im hapoh ka thain Jirang.
Pule lang ia kane: Manipur : Kynthoh tyngeh ka Supreme Court ba pheil ka Tnad Pulit haba bishar ia ki kaiphod halor ki ejahar
Peit lang ia kane
