Shillong, Jylliew 18 : Ka Khasi Students’ Union Warmawsaw unit, ha ka janmiet sngi Balang, kala ioh bat ia ki bar jylla kiba thmu ban wan trei bylla hapoh ka thain Patharkhmah bad ia kine ki briew la pynphai noh sha Assam.
Ia kine ki bar Jylla la ioh ban bat hapoh ka surok na Bakhlapara Warmawsaw sha Patharkhmah.
Ha ka jingtalasi, la lap ba uwei ruh na kine ki bar jylla u dei u bym don satia ia ki kot ki sla kum ka Labour Licence ne ka police verification na ka jaka ba ki wan.
Ka KSU ha ka jingialam u President Receive Pator bad Asst General Secretary Samla Roki Lyngdoh, kala maham jur ia ki briew kiba donkti banwan ialam ia ki bar jylla khlem da pynbiang ia ki kot ki sla kiba donkam.
Kala maham ruh ba lada ka seng kan leh da kaba tyngeh lada ka lap ia ki briew kiba wan ialam beain ia ki briew ba nabar.
