Shillong Kyllalyngkot 04: Ki dkhot ka Seng Hynniewtrep Youths’ Council- Shella Area Unit hynnin ka sngi Baar kila lap kumba 32 ngut ki bar jylla kiba lah wan sha Shella ban bylla sngi khlem da don ia kino kino ki kot kiba donkam.
Ki dkhot ka HYC kila ioh bat ia kine ki bar jylla ha ka por ha ka por 11 baje mynstep bad ha ka jingkylli pyrthuh, kila lap ba kine ki briew kim don ia ki Registration Card ba kidei ban ioh katkum ka Meghalaya Identification, Registration (Safety & Security) of Migrant Workers Act, 2020 bad katkum katei ka Aiñ baroh ki nongbylla nabar jylla ki hap ban aplai ia ki Registration Card lada ki wan ban bylla sngi ne trei hapoh ka jylla.
Ka Seng kala pynphai noh ia kine ki briew da ka kali kaba ki wan bad maham ia ki ba kim dei ban wan rung shapoh ka dong ka thaiñ khlem ki kot ki sla kiba biang bad ka kyntu ruh ia ki bor ba dei peit ba kin shimkhia ban pyrkhing ia ka rung ka mih kiba kum kine ki briew ia kaba ym tip kidei kiba kumno bad ka seng ka kyntu ia baroh kiba wanrah nongbylla nongtrei ba kidei ban pynbiang shuwa ia ki kot ki sla kiba biang.
