Shillong, Nailar 12 : U General Secretary ka United Democratic Party Jeminor Mawthoh ha ka sngi Saitjain ula ong ba ka National Education Policy (NEP) ka dei ia kaban pyntreikam noh ha Meghalaya.
“Ngi (kum ka Jylla) ngin dei ban shah ieh shadien. Ka NEP kan hap ban iaid noh. Ka Jylla jong ngi kan hap ban iaid shakhmat” ong u Bah Jemino haba iakren bad ki nongthoh khubor.
Haba pynpaw ka jingeh kan don beit haba wan ki kam ba thymmai lane kino kino ki jingkylla bala wanrah, ula ong ba kumba u Vice Chancellor ka NEHU ula pynsngew, baroh ki kynhun kin hap ban iatreilang khnang ban lah pyntreikam ia ka NEP.
“Ka jingeh kan don beit. Hynrei ngin hap ban jam sahkhmat bad ngim dei ban shah ieh shadien. Ngi dei ban pyntreikam ia ka NEP hynrei lada ki don ki jingeh, ia kine ki jingeh dei ban iakren ba kumno yn lah ban pynbeit iakine ki jingeh ba ia kynduh da ki college bad kiwei kiwei ki liang mamla” ula ong.
Pule ruh: Yn iakren ka UDP bad u CM ban iai buddien ia ka jingdawa ILP ha Jylla
 ka dei ia kaban pyntreikam noh ha Meghalaya.){kind=link}