Shillong, Nailar 12 : U President ka United Democratic Party (UDP) Bah Metbah Lyngdoh, hynne ka sngi Saitjain, ula ong ba ka party kan sa iakren biang bad ka Sorkar Jylla ha ryngkat bad u Myntri Rangbah ka Jylla ba kumno yn iabuddien ia ka jingdawa ILP bad ithuh ia ka ktien Khasi bad Garo haduh ban da urlong.
“Ngin sa iakren biang bad ka Sorkar Jylla lem bad u Myntri Rangbah ka Jylla ba kumno ngin iabuddien ia kine ki kam khnang ba kin dup urlong noh” ong u Bah Metbah haba iakren bad ki nongthoh khubor hadien ka jingshah jied biang kum u President ka Party.
Haba kylli ia ka jingpynslem ka Sorkar Pdeng ban bishar ia ka jingdawa, une u Nongialam ka UDP ula ong ba ka party kan pynthikna ba ia kane ka kam yn iai buddien man ka por tad haduh ba ka Sorkar Pdeng kala ai ia ka jubab kaba pynhun.
Haba kren halor ka jingialang ba dang shen ha New Delhi halor kine ki kam, ula ong ba kane kam dei ka sien kaba nyngkong ba ka kynhun bala ialam da u Myntri Rangbah ka Jylla Conrad K Sangma, kala akynduh ia u Myntri Rangbah Duh Narendra Modi na ka bynta ba un tuklar lem halor kine ki ishu ba kongsan ka Jylla.
Pule ruh: Kut noh ka Symposium ba iatai kumno ban kytiew ia ki kam jngohkai ha ki shnong ki thaw
 Bah Metbah Lyngdoh, hynne ka sngi Saitjain, ula ong ba ka party kan sa iakren biang bad ka Sorkar Jylla ha ryngkat bad u Myntri Rangbah ka Jylla ba kumno yn iabuddien ia ka jingdawa ILP bad ithuh ia ka ktien Khasi bad Garo haduh ban da urlong.){kind=link}