Shillong, Rymphang 19: Ka Hynniewtrep Youth Council (HYC) ha ka sngi Palei, ka la pynpaw ia ka jingbym sngewtynnad ia ka kaiphod jong ka Sorkar halor ka State Reservation Policy ba la wanrah ha ka iingdorbar da kaba ong ba ka kaiphod kam shym la lah ban weng ia ki jingeh jong ka jaidbynriew Khasi.
“Ka jingai jingmut jong ka Expert Committee ban pynneh iaka State Reservation Policy 1972 ka long kaba pynduh jingkyrmen. Ngi la khmih lynti ia ka jingai jingmut kaba kham bha haba pyrkhat ia ka jingbun paid bad ki jingai jingmut jong ngi” ong u President ka HYC u Bah Roy Kupar Synrem.
U President ka HYC u la ong ba ki jaidbynriew Khasi-Jaintia kiba don haduh 16-17 lak ki dei ban ioh ia ka reservation percentage kaba kham heh haba ia nujor bad ki jaidbynriew Garo kaba don 11-12 lak.
“Ngi long kiba kloi ban pdiang ïa ka jingkynthup lang hajuh ia ka bhah ba 90% na ka bynta ki Khasi-Jaiñtia bad Garo, bad 10% yn ai sha kiwei pat ki ST bad reserved category,” u la bynrap.
U Bah Roy u la buh jingkylli ia ki jingai jingmut ba long mar pyrshah jong ka Committee kynthup ia ka jingpynneh iaka Policy jong ka snem 1972 haba ai jingmut pat ia ka jingpynkylla kum ka carry-forward system bad ka creamy layer concept.
“Kine ki jingai jingmut kin don ia ka jingktah kaba jur ïa ka lawei ka Jaidbynriew jong ngi ha ka lad ioh kam iohjam” u la ong.
 ha ka sngi Palei, ka la pynpaw ia ka jingbym sngewtynnad ia ka kaiphod jong ka Sorkar halor ka State Reservation Policy ba la wanrah ha ka iingdorbar da kaba ong ba ka kaiphod kam shym la lah ban weng ia ki jingeh jong ka jaidbynriew Khasi.){kind=link}