Shillong, Rymphang 19: Ka Khasi Hills Autonomous District Council (KHADC) ka la kyntait ia ka resolution kaba kwah ban pynbna ia ka 1 tarik Naiwieng kum ka sngi shuti jong ka jylla, ban kynmaw burom ia ka sngi iap jong u JJ M Nichols Roy, kpa ka Sixth Schedule.
U MDC u Ricky Shullai u la rah ia kane ka resolution, da kaba pynpaw ia ki jingnoh synniang jong u JJM Nichols Roy ban ioh ia ka jingiada jong ka riti synshar bad ka jingsynshar laitluid jong ki jaka riewlum. Hynrei katei ka resolution ka la shah kyntait haba kaba 14 ngut ki MDC ki la ieng pyrshah.
U Chief Executive Member (CEM) Bah Winston Tony Lyngdoh u la pynpaw ba ka jingpynbna ïa ka shuti jong ka jylla kam long kaba donkam, ha ka jaka kata, u la kyntu ïa baroh ban burom ïa ki matti u Nichols Roy da kaba bud ïa ki dienjat jong u.
“Kam long kaba donkam ban pynbna shuti ha jylla kum ka jingkynmaw burom ia u (L) JJM Nicholas Roy, hynrei ha ka jaka kata, to ngin bud ia ki dienjat jong u ban burom bad kynmaw burom ia u,” ong u Bah Lyngdoh.
Hadien ba ka EC kam shym la pdiang ia ka resolution, na ka liang u Bah Ricky Shullai u la mih jyndat noh napoh ka iing dorbar.
