Shillong, Risaw 24: Ka jingai jingmynjur u Lat ka Jylla ban pynlong ain (Act) iaka The Khasi Hills Autonomous District (Administration of Elaka) (Amendment) Bill, 2023, kan nang pynkhlain bad pynkupbor iaki bor shnong ha man la ki shnong ki thaw kiba hap haka jingkhmih jong ka Khasi Hills Autonomous District Council (KHADC).
Kane ka jingai jingmynjur u Lat ka Jylla iaka KHAD (Administration of Elaka) (Amendment) Bill, 2023, ka bala long ain (Act) mynta, kan pynklain iaka jingpyrkhing iaki nongsah wai ha kylleng ki shnong kiba hap hapoh u pud u sam ka Council.
Ia kane la pyntip da u Chief Executive Member (CEM) ka Khasi Hills Autonomous District Council (KHADC) Bah Pyniaid Sing Syiem haba bynrap daka ba ong ba kane kan ai jingithuh bad kan pynkupbor daka ain ym tang iaki Dorbar Shnong hynrei wat iaki Seng Samla, Seng Kynthei bad ki Seng Longkmie.
Haba kren sha ki lad pathai khubor u Bah Pyniaid u la iathuh ba ka KHAD (Administration of Elaka) (Amendment) Act, 2023 kala pynkupbor da ka Ain iaki Seng Samla, Seng Kynthei ne Seng Longkmie, ka bym shym la don satia ha ka Principal Act kata ka Elaka and Administration 1971.
U Bah Pyniaid u la pynksan baka jingioh jingithuh daka ain iaki Seng Samla, Seng Kynthei ne Seng Longkmie kan iarap iaki Dorbar Shnong ban peitngor iaka jinglong jingman ki shnong ki thaw, la kadei ban tem iaki jingiakulmar ne ban tem iaka kam khaii drok kaba la jyllei bha mynta.
U la ong ba KHAD (Administration of Elaka) (Amendment) Act, 2023, ka don iaki kyndon ha kaba ki Dorbar Shnong ki hap ban shim kyrteng ia baroh (La ki dei ki Khasi na kiwei ki District ne ki bar Jylla, ne ki bar Ri) kiba wan sah wai ha man la ki shnong.
Haba kylli, u CEM u la pynpaw ba ka KHAD (Administration of Elaka) (Amendment) Bill, 2023, kan nym iatyngkhuh satia bad ka Meghalaya Residents Safety and Security Act (MRSSA) ba pyntreikam daka Sorkar Jylla, kaba don ruh ki juh ki kyndon ban shim kyrteng iaki ba wan sah wai.
“Ngam don eiei ban ong halor ka MRSSA hynrei ngi (KHADC) la leh iala ka jong ka bynta namar ka jingpyniaid iaki shnong ki thaw (Administration of Village Dorbar) ka hap haka jingkhmih jong ka KHADC. Ka KHADC kan leh iala ka jong ka bynta, ka Sorkar Jylla kan leh iaka jong ka bynta bad nga ngeit kane kan nang pynkhlain shuh shuh iaki Bor Shnong” u la ong.
 iaka The Khasi Hills Autonomous District (Administration of Elaka) (Amendment) Bill, 2023, kan nang pynkhlain bad pynkupbor iaki bor shnong ha man la ki shnong ki thaw kiba hap haka jingkhmih jong ka Khasi Hills Autonomous District Council (KHADC).){kind=link}