Shillong, Risaw 24: U Lat ka Jylla Meghalaya u CH Vijayashankar u la ai jingmynjur ia hynriew tylli ki Bill jong ka Khasi Hills Autonomous District Council (KHADC) kiba la sahteng la bun snem naduh ba mynjur ka Iingdorbar Thaw Ain ka Council.
Ia kane la pyntip da u Chief Executive Member (CEM) ka KHADC Bah Pyniaid Sing Syiem haba iakren bad ki lad pathai khubor hynne ka sngi Palei ha ka jingiadonlang ki dkhot ka Executive Committee.
Lah ban kdew ba dang shen, u Chief Executive Member (CEM) ka KHADC Bah Pyniaid Sing Syiem ha ryngkat ki MDC, ula leit ban iakynduh kyrpang ia u Lat ka Jylla ban kyrpad ba un ai jingmynjur noh ia ki 7 tylli ki Bill ba sahteng.
Ki hynriew tylli ki Bill kiba la ai jingmynjur da u Lat ki kynthup ia ka The Khasi Hills Autonomous District (Administration of Elaka) (Amendment) Bill, 2023, The Khasi Hills Autonomous District (Nomination and Election of the Lyngdoh, Myntri, Lyngdoh Raid and Sordar Shnong and Administration of Sohiong Lyngdohship) Bill 2023, The Khasi Hills Autonomous District (Regulation and Administration of Land) (Amendment) Bill, 2023, The United Khasi-Jaintia Hills District Fishery (Amendment) Bill, 2023, The Khasi Hills Autonomous District (Khasi Social Custom of Lineage) (Amendment) Bill, 2023 bad ka The Khasi Hills Autonomous District (Trading by Non-Tribals) (Amendment) Rules, 2023.
 kiba la sahteng la bun snem naduh ba mynjur ka Iingdorbar Thaw Ain ka Council.){kind=link}