Shillong, Nohprah 01: U Bah Marcus M. Thaiang u wei naki nongthoh kot na Rilum Jaiñtia u bad long ruh u Editor jong u Kot Khubor YUTIP bad u nongialeh ba khlem shong thait ban wanrah biang ïaka Elaka Labang Nangphyllut & Pangam Raliang ( Block- I)sha Jaiñtia Hills Meghalaya u la thoh bad pynmih ïaka kot kaba U ai kyrteng , THE CRY OF THE PROPLE OF LABANG NANGPHYLLUT ” .
Iakane ka kot la thoh haka ktien Phareng khnang baki wei pat ki jait bynriew ki bym sngewthuh ïaka ktien Khasi ruh kin ïoh tip bad sngewthuh lang..
U nongthoh hakane ka kot u la batai bniah shaphang ka Elaka Labang Nangphyllut bad ki briew kiba shong basah haka bad ïaka hok longtrai mantrai jong ki Khasi Pnar kiba shong basah hakane ka thaiñ halor ka khyndew ka shyiap u pud u sam. Iaka jingkhlad jubor bad jingpynhap jubor ïakane ka Elaka shapoh United Cachar & Mikirs Hills haka por ba thaw ïaki District Councils haka snem ,1951.
Ka jingpyrshah ki briew jong kane ka thaiñ ïakane ka jingleh donbor jong ka sorkar Assam. Ka jingshah lehbeiñ ki Khasi Pnar haka sorkar Assam bad haki wei pat ki jait bynriew.Ki jingthoh kiba ki briew kane ka Elaka ki ai shaka sorkar Meghalaya , Assam bad sorkar India.
Ki jingïalang bad jingïakren jong ki ar sorkar Meghalaya Assam halor kane ka kam re-transfer ïaka Block – 1 -11 bad ki correspondences kiba une u nongthoh u la ïoh naka sorkar.
Namar ba kane ka kot ka dei shaphang ki Labang Nangphyllut Dollloiship kumta ruh ïakane ka kot la pyllait paitbah da u Acting Dolloi Elaka Labang Nangphyllut U Prolin Samaiang haka 29th November 2024 ha Jowai. Kane ka long ruh ka kot kaba 18 kaba la thoh bad pynmih da u ne u juh u nongthoh.
Kane ka kot ka long shidha ka jingtip bad ka jingmyntoi kaba khraw ïaki paid nongshong shnong jong ka Ri Khasi Jaiñtia bad khamtam ïaki to kiba don ka jingmut bad ka mynsiem ban ïeng ïaleh ban pynïoh ïaka hok ki paid Khasi Pnar jong kane ka thaiñ bad ban wanrah biang ïakane ka Elaka sha Jaiñtia Hills District Meghalaya.
Iakane ka kot la shon bad pynmih daka Ri Khasi Publication, Mawkhar Shillong bad la sam ruh daka Ri Khasi Book Agency Mawkhar Shillong. Kane ka kot ka don 136 pages bad ka dor ka long tang Rs. 300 tyngka. Lah ruh ban ïoh nakane hi ka Book Agency na u ne u nongthoh hi na Mookyrdup Jowai bad naki wei kiwei de ki jaka diekot kiba don hapoh Khasi Jaiñtia.
sha Jaiñtia Hills Meghalaya u la thoh bad pynmih ïaka kot kaba U ai kyrteng , THE CRY OF THE PROPLE OF LABANG NANGPHYLLUT " .){kind=link}