Guwahati, Risaw 19 : Ka kynhun ki Nongwad bniah (Researchers) ka Indian Institute of Technology Guwahati (IIT-Guwahati), kala pynmih mynta ia u tiar ba lah ban rah kat shaba leit (portable device) uba lah ban thew ia ka Glycemic Index (GI) ne ka jingdon jong ka shini ha ka bam.
Kane ka kynhun ka dei kaba ialam da u Professon Dipankar Bandyopadhyay na ka department of Chemical Engineering.
Kaei ka Glycemic Index lane GI?Â
Ka Glycemic Index lane GI, ka dei ka jingthew ia ka jingdon ka carnohydrate ha ka jingbam kaba ai jingthew ia ka jingktah ia ka blood sugar level haba bam ia ka jingbam.
Ka bam kaba don bun ka GI ka lah ban lam sah ka jingkiew sted ka Blood glucose level bad bud ruh da ka jinghiar sted bha.
Kine ki jingbam ki lah ruh ban lam sha ka jingdonkam ban ioh bun ka insulin, kaba lah ruh ban buh jingma ha kaban ioh ia ka jingpang type-2 disbetes. Kumjuh ruh, ka jingduna ka GI ha ka bam ka lah ban iarap ha kaban tehlakam ia ka diabetes, jingpang klongsan, jingsngaid palat pud bad wat ka jingtehlakam ia ka bampong.
Namar ka jingiaid ka pyrthei ban iabam ia ki jingbam khlem shet bha (fast food), ka long kaba donkam ban don ia ki kynja tiar (portable device) uba lah ban thew ia ka jingdon ka Glycemic Index ha ki jingbam.
 ka Indian Institute of Technology Guwahati (IIT-Guwahati), kala pynmih mynta ia u tiar ba lah ban rah kat shaba leit (portable device) uba lah ban thew ia ka Glycemic Index (GI) ne ka jingdon jong ka shini ha ka bam.){kind=link}