Shillong, Naiwieng 06: Kum ka jingai sngewbha ban pynkupbor ia ki samla, u Symbud Myntri Rangbah Bah Sniawbhalang Dhar, ula aiti ia palat 50 tylli ki laptop, ba shongdor T. 15 lak, sha ka Kiang Nangbah Government College (KNGC) ha Jowai, West Jaintia Hills District.
Ia kine ki laptop la thied hi nalade na ka tulop Symbud Myntri Rangbah.
“Kane ka jingai kaba rit ka dei tang kum ka dak ia ka jingkular jong nga ban pynkupbor ia ki samla da ki tiar ki ban kyntiew ia ka pule ka puthi bad pynkhreh ia ki na ka bynta ka lawei ba phyrnai. Ka pule puthi ka dei ka nongrim jong ka jingkiew shaphrang, bad ka jingkynshew ha ki samla pule jong ngi ka long kum ka jingkynshew ia ka lawei jong ka Jylla jong ngi” ong u bah Sniawbha haba kren ha ka jingialang bala pynlong hapoh ka College ha ka sngi Palei.
“Nga ngeit skhem ba ka jingioh pyndonkam ia ka technology bad ki lad pule na ki kor digital kan iarap ia ki samla ba kin ioh ia ki pule puthi kaba pura bad ba lah ban iakhun bad ki samla pule ba biang tam hapoh ka Ri” ula bynrap.
U Bah Sniawbha ula ong ba kane ka sienjam ka long kumka jingpynkynmaw ba “ka jinglong nongialam ba shisha ka shong eh ha ka jingai bad ka jingkyntiew ia kiwei. Ryngkat lang, ngi lah ban tei ia ka Meghalaya kaba kiew shaphrang ha ka pule puthi, ka jingpynkupbor bad ka jingiaryngkat”.
 ha Jowai, West Jaintia Hills District.){kind=link}