Nongpoh Nailur 23: Ka St.Michael’s Higher Secondary School Past Pupil’s Association hynnin ka 24 tarik Nailur kala plie pyrda iaka Autumn Fiesta cum variety show kaba la pynlong ha Umsning, ha kaba la wan ban plie pyrda da u Fr. Pius Shadap uba dei ruh u Secretary jong St.Michael’s Higher Secondary School Umsning.
Ia katei ka Autumn Fiesta cum variety show la pynlong kum shibynta ban pynmih pisa ban ai synniang sha ka St. Michael’s Hr. Sec. School Umsning na ka bynta ka jingrakhe Diamond Jubilee jong katei shlem ai jinghikai.
Ki nongialam jong ki Pass Pupils ki la pynbna ruh ba ka jingrakhe iaka Diamond Jubilee jong ka skul kan sa long haka 29 tarik Nailur. Kumta ki la khot la wer lang ia baroh ba kin wan ban sakhi lang ia katei ka sngi kaba kyrpang.
Ha katei ka sngi plie ia katei ka Autumn Fiesta cum variety show la iadon lang ruh u Bah Carlus Kharkongor President Managing Committee, u Bah Clement Mawlong, u Bah Rocky Kylla chairman Umsning Town Durbar, Bah Rocky Marwein Rangbah shnong Umsning proper B bad kiwei kiwei.
