Shillong, Lber 24: Ka West Jaiñtia Boxing Association (WJBA) hynne ka sngi kaka pynlong iaka All Jaiñtia Open Boxing Championship ka ba ar-sngi ha Madan Daimasi, Ladthadlaboh, Jowai.
Ia kane ka jingiakhun boxing la plie da u Superintendent of Police (SP) jong ka West Jaiñtia Hills u B.D Marak haka jingdon lang u Addl SP u bah Herbert Kharkongor, u OC ka Jowai Police Station u bah S. Mannar, u Waheh Chnong ka Ladthadlaboh u bah A. Shullai lem bad kiwei kiwei de.
Ia ka All Jaiñtia Open Boxing Championship la pyniaid da u bah R. Laloo u badei ruh u nongaibuit ka WJBA.
Haba kren ha kane ka sngi u B.D Marak ula iaroh iaroh iaka WJBA bad ula kyntu ban nang trei shitom naka bynta ban kyntiew iaki samla kiba don sap ha kane ka jingiakhun Boxing.
Ha kane ka All Jaiñtia Open Boxing Championship la wan shim bynta ki nongiakhun na kylleng ka West bad East Jaiñtia Hills.
Pule lang ia kane: Kyntait u CM ba ioh NoC na ka KHADC ban pynpoi lynti rel sha Shillong, kwah iasyllok bad ki kynhun bapher bapher
