Shillong, Naitung 29: Ka Ministry of Power haba rakhie ia ja Ujjwal Bharat Ujjwal Bhavishya, kala pynlong ia ka Bijli Mahotsav ha Laitryngew, Sohra Civil Sub Division East Khasi Hills district ha ka sngi palei bala lah.
U MLA ka Sohra Gavin Miquel Mylliem, u la iashimbynta kum u kongsan, u la iaroh ia ka jingtrei shitom jong ki Field Officer kiba lah pynlong ia ka bording ban poi sha man ki thliew iing.
U Additional Deputy Commissioner, ba khmih ia ka Sohra Civil Sub Division L Kynjing u la pynpaw ia ka jingsngewnguh ia ki Rangbah Shnong, NERLDC, Power System Operation Corporation Limited (POSOCO) bad ki Ophisar ka MePDCL kiba pyniaid ia ka jingialang.
U Sr. GM, NERLDC, V. F. Desouza ula kren halor ka jingjop jong ka Ri ha ka liang ka jingsam bording ha kine ki khyndiat snem bala leit noh.
U Additional Chief Engineer, MePDCL bah Frederick Kharshiing u la kren halor ka jinglong jingman ba dang shen ha ka jingsam bording hapoh ka Jylla Meghalaya.
Ka Bijli Mohatsav ka dei ka jingrakhe ia ka jingdap 75 snem jong ka Ri hapoh ka lama jong ka Azadi Ka Amrit Mahotsav.
