-->

Pynlong ka Shnong Mylliem ia ka lympung phutbol ba 7 ngut ki rang ialehkai

Date:

Share post:

Shillong, July 17: Kum shi bynta ban kyntiew ia ka kam ialehkai ha ka thain, ka shnong Mylliem Marbaniang hynnin ka sngi ka la pynlong ia ka 7-A-Side Football Tournament (Mar 7ngut shiliang) ha madan jong ka Kur Kharkongor, Mylliem Marbaniang.

Ia kane ka football tournament lah ia shim bynta da 32 tylli ki team na ki shnong ba marjan. Ia ka lympung la plie da ka jingialehkai hapdeng ka Mawkriah FC pyrshah ka Mylliem Madan Block.

Ka ka jing iakhun ka lah kut ha ka jingia khaid (draw) bad lah poi sha ka ia shut tie-breaker haka ba ka Mawkriah ka lah pynliem noh ia ka Mylliem Madan Block.

Ha ka sngi plie, la ia don lang u Bah Daniel Thangkhiew (OSD u Myntri Rangbah ka Jylla) kum u shongknor, u General Secretary Phermanbha War Sohlang bad u Erastus Nongsiej Vice President ka NPYF Meghalaya lem bad ki Nong pyniaid Ka Marbaniang Sports Club bad ki Nong kitkam shnong.

Na ka liang u Bah Joshua Kharkongor u ba long u treasurer ka Marbaniang Sports Club, u lah kren bad pynsngew iaka jing eh ba ka shnong ka ju mad, ka jing bym biang ka madan football kaba la pyn duh mynsiem ia ki khynnah bad samla ka shnong ba kin pyn lut por ha ka kam lehkai.

Na ka liang u shong knor, u Bah Daniel Thangkhiew u lah kren halor ka jing donkam ka kam ialehkai bad kum uwei na ki officer sorkar, u lah kyntu ba kin nym dei ban ngop ha ki jing dih pyn buaid kum ki drugs ki kynja. U Bah Daniel u la ai sngewbha iaka song tyngka 50 hajar ka ban long ka pisa ia ka team ba jop ha kane ka lympung.

Kumban shu pyn kynmaw hangne, iaka iing shnong (Community hall) ha katei ka shnong lah dep ban shna da u MLA ka thain u Bah Hamlet Dohling bad ka shnong ka dang iakren bad u MLA khnang ba ki lah ban ioh noh iaka madan ialehkai jong la jong.

Share post:

-->
spot_img

Popular

More like this
Related

Kajia Shillong Ropeway | “Ka jingpynsangeh ha shiteng lynti ia ka project kan sa ktah bha” : FSH

Shillong, Naiwieng 18: U President ka Federation of Shillong...

Pynbna ka ECI ia ka Special Summary Revision ka electoral roll | Ka thup ba khatduh ha ka 20 tarik J’lyngkot

Shillong, Naiwieng 17: Ka Election Commission of India (ECI)...

Sikkim | Ujor ka BJP Women’s Wing ia u nong Meghalaya ba kynthoh khlem rain ia ka Sikkim bad Gangtok

Gangtok, Naiwieng 17: Ka BJP Sikkim Mahila Morcha kala...