Shillong, Risaw 06 : Ka Powerlifting Association of Meghalaya (PAM) kala pynlong ia ka jingiakop rahnar ha ka 4 tarik Risaw 2022 ha Umsning, ban jied ia ki rang bad ki thei rahnar ki ban mihkhmat sha ka jingiakop rahnar hapoh ka Ri, ka ban long ha Mumbai ha u bnai Naiwieng, 2022.
Ia kane ka jingiakop la pynlong ha ryngkat ka jingiatreilang bad ka Power Plus Gym bad ka Seng Samla Umsning Proper B bad ia kane ka lympung la pynlong ha Umsning Hall.
Ia kane ka lympung la pynshongkun da ka jingiadon ryngkat u Bah Rocky Kylla Chairman ka Umsning Town Dorbar kum u kongsan bad u Bah Rocky Marwein Rangbah ka Umsning Proper B kum u symbud kongsan ha kaba u Pradeep Charman u dei u Chief Judge jong ka lympung.
