Shillong, Jylliew 10 : Ka Meghalaya kan ioh pynlong ia ka North East India Infrastructure (NEII) Summit ha ka 15-16 tarik Jylliew ha Lariti Performing Centre, Shillong, da ka jingthmu ban pynlong ia ka thain kum kawei ka jaka wan kynshew kam, ong u Commissioner & Secretary Sanjay Goyal ha ka sngi Balang.
“Ia kane ka summit la pynlong kum ka rynsan kynshew kam bad pyntrei ia ki jingtei ha baroh ki Jylla ka thain Shatei Lam Mihngi kynthup ka Meghalaya…kane ka long kawei na ki summit kaba ngi la pynkhreh ban wanrah ia baroh ki Jylla” ong u Goyal.
U Myntri Rangbah ka Jylla ila thoh sha baroh ki Myntri Rangbah ka thain Shatei Lam Mihngi, ki Myntri ka Sorkar Pdeng bad ki Chief Secretary, bad ki jingpynthikna kila nang wan na ka bynta kane ka jingialang kaba arsngi.
Kane ka summit kan pynleit jingmut halor ki kam pyniasoh (connectivity), kam jngohkai (tourism), ka kam liengsuin ( aviation), ki jingtei ha khappud (border infrastructure), Food Processing bad ki jingkynshew kam lyngba ka PPP mode.
Palat 800 ngut ki delegate na ki kompani bapher bapher la khmih lynti ba kin wan iashimbynta ha ki 8-9 tylli ki jingialang halor ki mat bapher bapher, ki jingpyni nam ia ki mar ki mata bad ki pavilion jong ki Ministry ka Sorkar Pdeng.
“Ka jingthmu hi ka long ban kyntiew ia kine ki Jylla kum ka jaka kaba biang eh bad kaba khring ia ka jingwan kynshew kam…..kine ki arsngi kin pynleit jingmut eh halor kane ka bynta” ula ong.
U Goyal ula ong ba kane ka rynsan kan ai ia ka lad ban iakren hapdeng ki Ministry ka Sorkar Pdeng bad ki kompani ban weng ia ki jingsngewkhia halor ka jingkynshew kam ha ka thain.
“Kan don ka miej iakren ha kaba ki Ministry kin sngap ia ki karkhana, bad ki karkhana kin sngap ia ki Ministry….ngin don ha ka khep ban lah shim ia ki katto katne ki jingai jingmut ban sa aiti sha ka Sorkar Pdeng” ula ong.
Kane ka summit bala pynlong da ka FICCI North Eastern Region bad ka Build India, kan kyntur ruh ia ka kam jngohkai kaba heh ha ki jylla ka thain Shatei Lam Mihngi.
 Summit ha ka 15-16 tarik Jylliew ha Lariti Performing Centre, Shillong, da ka jingthmu ban pynlong ia ka thain kum kawei ka jaka wan kynshew kam, ong u Commissioner & Secretary Sanjay Goyal ha ka sngi Balang.){kind=link}