Shillong, Jymmang 21: Ka Hulladek Recycling Pvt Ltd, ryngkat bad ka Meghalaya Pollution Control Board (MSPCB), hynne ka sngi kila pynlong ia ka E-waste Management Summit 2024.
Ia kane ka Summit ne jingialang la pynlong ha Shillong, da kaba lum lang ia ki kynhun bapher bapher ban iatai sani halor ki mat kiba kongsan bad ki sienjam kiba iadei bad ka E-Waste Management bad ka jingtylliat ban pyndonkam ia ki niut, ha ka thain shatei lam mihngi jong ka ri India.
Ia kane ka jingialang la plie pyrda da u R. Nainamalai, Chairman ka Meghalaya Pollution Control Board, u Dr. G. H. Chyrmang, Member Secretary ka Meghalaya Pollution Control Board bad u Nandan Mall, Founder bad CEO jongka Hulladek Recycling.
“Ka Meghalaya Pollution Control Board ka ieng skhem ha kaban ai jingkyrshan ia ki jingthmu bad ki sienjam na ka bynta ban kyntiew iaka rukom lum ia ki niut ki nier. Kane ka Summit ka dei ruh ka jingshim ia ki sienjam ban poi sha ka thong ban pyntreikam pura iaka e-waste management ha ki jylla ka thain shatei lam mihngi” ong u R. Nainamalai, u Chairman Meghalaya Pollution Control Board.
“Ka mishon jong ngi ka long ban pynthikna ba kan don ka jingbit jingbiang ha kaba iadei bad ka jingpyntreikam bha ia ka jinglum jinglang ia ki niut bad ngin pyniar ruh ia kiwei pat ki kyrdan jong ki niut bapher bapher bad kadei ka jingkitkhliehka jong ngi ban don ka rukom lum rukom lang ia ki niut ha ka lynti kaba dei. Da kaba iatreilang bad ki nongialam jong ki karkhana kiba kynthup na ka Tata Rewire, Mahindra Cero bad Lico Waste Materials Pvt. Ltd kan nang pynkhlain iaka rukom treikambad ban pyniar iaka jingshakri ka jong ngi” ong u Nandan Mall, Chairman & Managing Director, Hulladek Recycling Pvt Ltd.
