Shillong, Iaiong 06: Kum shi bynta jong ka jingpynkhreh ban pynlong ia ka elekshon MP Lok Sabha ha ka jylla Meghalaya, ka Ophis jong u Chief Electoral Officer (CEO) Meghalaya hynne ka sngi Saitjaiñ kala pynlong iaka Friendly Football Match hapdeng ka Election XI bad ka Press XI ha MFA Ground, Polo, Shillong.
U Chief Secretary ka jylla u Bah D.P Wahlang ula plie pyrda ia kane ka jingialehkai Football ha kaba la iadonlang u CEO ka jylla u Dr BDR Tiwari, u Director General of Police u Dr LR Bishnoi, u Deputy Commissioner ka East Khasi Hills u SC Sadhu, ki heh ophisar sorkar, ki nongkitkam ka Shillong Press Club bad kiwei kiwei.
Ha kane ka jingialehkai football ka Press XI kala pynrem ia ka Election XI da 1-0 kol.
U Dr BDR Tiwari ula sam ia ki takma bad ki khusnam sha ki nongiashim bynta ha kane ka jingialehkai football paralok.
