Shillong, Nohprah 12: Ka jylla Meghalaya hynne ka sngi, kala pyni iaka jingbit haka U-19 Women’s One Day Trophy hynrei kam shim la lah pat ban pynliem iaka Baroda ha ka jingialehkai kaba la long ha Arun Jaitley Stadium, New Delhi.
Ka jylla Meghalaya kala jop iaka jingiakynting pisa (Toss) bad kala shim ia ka rai ban ap Fielding shwa bad ka Baroda kala kamai 218 run bad hap 8 Wicket haka 50 Over.
Kila don 6 ngut ki Bowler ne ki nongkawang bol jong ka Meghalaya bad na kine 5 ngut kila ioh shim mar shi Wicket.
Ka Balaridahun Dkhar bad ka Emisakani Warjri kila ioh shim mar 2 Wicket bad ai 45 run ha ki 10 Over, ka Awesa G Momin kala ioh 1 Wicket bad ai 27 run, ka Suriti Kumari Ray kala shim 1 Wicket bad ai 33 run bad ka Neelam Roy kala ioh 1 wicket bad ai 54 run.
Ka Meghalaya kala lah ban pynhap haduh 7 ngut ki nongtied jong ka Baroda bad kila ioh ban kamai tang 135 run hynrei ka jingtied bha jong ki nongialehkai jong ka Baroda kila lah ban kamai haduh 200 run tam.
Namar ka jingtbit jongki nongkawang bol jong ka Baroda, ka Meghalaya kala ioh ban kamai tang 77 run bad hap lut baroh ki nongtied haka 34 Over bad kala shah pynliem da 141 run.
Ka Ray kala ioh ban kamai 22 run katba ka Janika Marak kala ioh kamai 12 run.
Ki nongialehkai ka Meghalaya kin iakhun pyrshah iaka Punjab ha ka sngi Balang.
