Shillong, Naitung 25 : Kum shi bynta ka jingrakhe ia ka jingdap 75 snem ka India ne ka ‘Aazadi Ka Amrit Mahotsav’ ka la don ka jingialehkai paralok hapdeng ka Assam Regimental Centre bad ka Meghalaya Police ha ka 25tarik Naitung, 2022 ha Madan Mawlai, Shillong.
Ha ka jingialehkai kaba itynnad bha ka Assam Regimental Centre ka la pynli da 3-1 kol ia ka Meghalaya Police.
La pynshongshit ia ka jingialehkai da ka jingbun ki nongpeit kai ki bym duna shuh ia ka 1500 ngut kynthup ki riewpaidbah, ki heh shipai bad heh pulit.
La donlang ruh ha katei ka sngi naduh u Lt Gen KC Panchanathan, AVSM, GOC 101 Area, kum u Kongsan ha kaba u la sam ruh ia ki khusnam sha baroh ar tylli ki kynhun.
