Shillong, Rymphang 13 : Ka Sorkar Jylla kala pynkynriah kam thymmai ia ki Ophisar IPS bad MPS ka Jylla kat kum ka jingai jingmut jong ka Civil Services Board (CSB) bad Police Eastablishment Board (PEB) bad wanrah ia u Rituraj Ravi, IPS kum u Superintendent of Police ba thymmai ka East Khasi Hills District.
Kane kala wan jia ruh satang khyndiat bnai ban don ka elekshon MP Lok Sabha, 2024 hapoh ka Ri bad ka Jylla.
U Rituraj Ravi uba bat kum u Commandant ka 6th MLA Bn, Umran un shimti ia ka kam SP na u Bah Sylvester Nongtnger IPS, u ban leit mynta kum u Commandant ka 6th MLA Bn, Umran.
U Superintendent of Police (City) ka East Khasi Hills Bah Vivek Syiem, IPS, ula shha pynkynriah sha ka kam SP, CID Meghalaya ha ka jaka jong u Rankaj Kumar Rasgania, IPS uba la shimti mynta ia ka kam SP (City) ka East Khasi Hills.
U Dr Dara Aswaghosh, IPS uba bat kum u Commandant ka 2nd MLP Bn, Georagre, un shimti mynta kum u Superintendent of Police ka West Garo Hills bad bujli ia u Abraham T Sangma, MPS uban shimti ia ka kam u Dr Dara.
U Ban Banteilang Kharjana, MPS, Deputy Commandant ka 5th MLP Bn, Samanda, ula shah pynkynriah kum u Addl SP ka South West Khasi Hills Mawkyrwat.
Kumjuh ruh u Bah Spearsing Paslein, MPS, Deputy SP (Hq) Ri-Bhoi ula shah pynkynmaw kum u DySP (Hq) ka East Jaintia Hills District.
U Anthony Ch Momin, MPS, DySP (Hq) ka East Garo Hills un shimti mynta kum u Sub Divisonal Police Officer ka Chokpot, South Garo Hills bad un iabujli ia kane ka kam bad u John Clitzer A Sangma, MPS u ban shimti mynta kum u DySP (Hq) ka North Garo Hills.
U Krison R Marak, MPS, DySP (Hq) ka West Garo Hills un shimti mynta kum u DySP (Hq) ka East Garo Hills bad un iabujli ia kane ka kam bad u Anthony Ch Momin, MPS.
U Bah Jeffry W Sooting, MPS, uba bat kum u Dy SP (City) ka Shillong ula shah pynkynriah kum u Sub-Divisional Police Officer ka Mawshynrut ha ka jaka jong u Isaac S Marak, MPS u ban shimti mynta kum u DySP (Hq) ka East Khasi Hills Shillong.
