Imphal, Risaw 19: Ka Supreme Court Collegium kala pynkynriah kam noh ia u Justice MB Muralidharan, Acting Chief Justice ka Manipur High Court, sha Calcutta High Court.
Kane ka jingpynkynriah kam ia u Muralidharan kala jia ruh tang hadien arsngi hadien ba u Judge ka Delhi High Court Siddharth Mridul, ula shah thung kum u Chief Justice kane ka Jylla ka thain Shatei Lam Mihngi ka Ri.
U MV Murlidharan bad khatsan ngut ki Judge jong ki High Court, kila shah pynkynriah kam ha ka Supreme Court Collegium ha ka sngi Balang.
Lah ban kdew hangne ba ha u Lber, u Justice Muralidharan ula pynmih ia ka hukum ban mynjur ha kaban pynrung lang noh ia ki jaidbynriew Meitei hapoh ka thup Scheduled Tribe (ST) kaba pynkhie ia ka thma iapher jaidbynriew ha Manipur.
Ha ka 10 tarik Risaw, u Justice Muralidharan ula kyrpad ia ka Collegium ban pynkynriah kami a u sha ka Highcourt ka Madras bad lada kam long kaba lah, ban shah ia u ba un bteng ban trei hapoh ka Manipur HC ha ka jaka ban pynkynriah sha ka Calcutta.
Hynrei ka SC collegium kala shim ia ka rai ban pynkynriah beit ia u sha Calcuta HC.
Kane ka jingpynkynriah ia ki judge kala mih ruh hadien ba ka Iingkashari Supreme Court kala pynpaw ia ka jingsngewkhia halor ka jingslem ban thung bad pynkynriah ia ki Judge jong ki High Court.
