Shillong, Lber 25: Ka National Testing Agency (NTA) ka la pynkynriah ia ki jaka thoh eksamin CUET na ka bynta kiba bun ki samla pule ka Meghalaya na Guwahati sha Shillong hadien ka jingtuklar ka sorkar jylla, khamtam eh u Myntri Rangbah ka jylla Conrad K. Sangma.
U Myntri Rangbah ka Jylla Conrad K. Sangma u la pynbna ïa kane lyngba ka X haba ai khublei ïa ki heh ka NTA bad ia u Myntri ka tnat Pule Puthi ka sorkar pdeng Dharmendra Pradhan halor ka jingkyrshan jong ki.
U Conrad K Sangma u la pynpaw ruh ba u “Sngewkmen ba ka NTA ka la pynkynriah na Guwahati centre sha Shillong centre hadien ka jingtuklar jong ka Sorkar Jylla. Khublei ïa ki heh ka NTA bad ïa u Hon’ble @dpradhanbjp ji na ka bynta ka jingkyrshan bad ka jingsngewthuh ba ïai bteng jong u,”.
Kane ka jingpynkynriah ka long hadien ki jingsngewkhia kiba la pynsngew halor ka jingai nyngkong ïa ki jaka eksamin shabar jong ka jylla, kaba ktah eh ïa ki samla pule na ki jaka ba jngai kiba lah ban ïakynduh jingeh ban leit sha Guwahati.
Katto katne tylli ki seng samla pule ki la kyntu ruh ïa ki bor pyniaid ban buh ïa ki jaka eksamin (centre) hapoh ka jylla Meghalaya, da kaba kdew ba ki don jingeh ha ka jingïoh rung eksamin.
Ha ka 17 tarik Lber, u Myntri Rangbah ka Jylla ula kyntu ia ka Ministry of Education bad ka NTA ba kan bishar biang ia ka jing ai jaka thoh eksam ia ki samla pule ka Jylla. “Kiba bun ki samla pule kila ioh ia ka jaka thoh eksam ha Guwahati, kaba la buh ha ka jingeh iaki. Kyrmen skhem ba ia kane ka kam yn lah ban pynbeit” ula ong.
 ka la pynkynriah ia ki jaka thoh eksamin CUET na ka bynta kiba bun ki samla pule ka Meghalaya na Guwahati sha Shillong hadien ka jingtuklar ka sorkar jylla, khamtam eh u Myntri Rangbah ka jylla Conrad K. Sangma.){kind=link}