Nongpoh, Lber 30 : Ka MDC ka Nongpoh Kong Rona Khymdeit, kala pynkynmaw ia u Symbud Myntri Rangbah ka Jylla ba khmih ia ka Tnad PWD ( Roads) Bah Prestone Tynsong, ban siang rong noh ia ka surok Nongpoh-Umden-Sonapur.
Kane ka MDC kala kren ia kane ha ka tamasa Shad Sajer jong ka Raid Nongpoh ba long hynnin ka sngi Saitjain.
Kat kum ka jingong jong ka, kane ka jingshna ia ka surok ka dei kaba la dep ban buh mawnongrim dang shen bad ki paidbah mynta kila angnud dik dik bad khmih lynti lano ban sdang pynhap maw bad siang rong noh ia ka surok.
Lah ban kdew, ia ka surok Nongpoh-Umden la buh mawnongrim ha ka 10 tarik Nohprah 2024. Kane ka surok kaba jrong kumba 20 Km eiei, la mang ban pyntrei ha ka jinglut kumba T.49.53 klur na ka State Plan katba ia ka surok Umden sha Sonapur kaba jrong kumba 38.9Km la mang ban pyntrei ha ka jinglut ba T.47.20 klur lyngba ka PMGSY-III.
 Bah Prestone Tynsong, ban siang rong noh ia ka surok Nongpoh-Umden-Sonapur.){kind=link}