Shillong, K’lyngkot 10 : U Nongialam ka Liang Pyrshah Mukul Sangma ula pynbna ba ka Meghalaya Trinamool Congress (TMC) kala pynjngai ialade na ka Indian Political Action Committee (I-PAC), haba pynpaw ba ka party mynta kan shaniah hala ki jong ki nongkitkam ha ki shnong ki thaw na ka bynta ki buit treikam hadien habud.
“Haba iadei hi bad ka Meghalaya TMC, ngim shym don jingiadei shuh bad ka I-PAC ia mynta bad ngi la rai ban leh ia kane hadien ka elekshon 2023 namar ngi kwah ban shaniah kham bun hala ki jong ki nongkitkam ha ki shnong ki thaw” ong u Mukul haba iakren bad ki nongthoh khubor.
Ula pynpaw ia ka jingsngewskhem ha ki jinglah treikam hi dalade hapoh ka party bad ong “Nga ngeit ba ki buit treikam jong ngi hi ki kham treikam bha bad ngin shaniah hala ki jong ki nongtrei haki shnong ki thaw ban ia kiwei kiwei”.
U Mukul ula buh jingkylli halor ka por ka jingpynlong ka Enforcement Directorate (ED) ia ki jingkhynra pyrshah ia ka I-PAC bad ong “Ka por hi ka pyni ba ki briew ki hap ban artatien ia ka jingthmu, ka thong ba ki pynlong ia kane ka jingkhynra, kaba kila leh”.
Ula kynnoh ba ka jingkhynra ka lah ban dei da ka jingthmu ban wanrah jingkylla ha ka rukom jied nongmihkhmat. “Ka dei kaba lah ban leh naduh mynno lada don kano kano ka kam ba ktah ia ka jingjied nongmihkhmat lane hadien ka elekshon. Namar ha ka riti synshar paidbah, ka jinglong khuid ha ka rukom jied nongmihkhmat ka dei kaba kongsan bha, khnang ba ki briew kin don ia ka jingshaniah ha ka riti synshar paidbah jong ngi”.
 kala pynjngai ialade na ka Indian Political Action Committee (I-PAC), haba pynpaw ba ka party mynta kan shaniah hala ki jong ki nongkitkam ha ki shnong ki thaw na ka bynta ki buit treikam hadien habud.){kind=link}