Shillong Naiwieng 19: U Lat ka jylla Meghalaya u CH Vijayashankar ha ka sngi Ba-ar, ula pynkup burom ia u Steve Jyrwa, u lahduh ha ka India’s Best Dancer Season 4.
U Lat ula ai khublei ia u Steve Jyrwa halor ka jingjop kaba khraw ka jongu kaba la wanrah ia ka jingsngew sarong bad ka jingithuh ia ka Meghalaya ha ka rynsan hapoh ka ri bad ula pynkup burom da kaba aiti da ka memento bad ka jain ryndia.
Ula iaroh ia ka jingtbit bad ia ka jingdon sap jong u Steve ryngkat bad ka jingtrei shitom ka jongu kaba la long kum ka jingai mynsiem ia ki samla ka jylla. Ula pynshlur ruh ia u ba yn iai bteng ban trei shitom bad ula pynshkur ia u ban mihkhmat ia ka ri India ha ki rynsan iakob shabar ri.
U Lat ula banjur ia ka jingkongsan ban saindur ia ka sap ka phong bad kyntu ia ki samla ka Meghalaya ban pynurlong ia kanjingangnud ka jongki da kaba trei shitom bad da ka mynsiem.kaba iai neh.
Ula pynpaw ia ka jingkyrmen ba ka jingjop u Steve kan long ka jingai mynsiem ia kiwei pat ki nongshad ba kin wad ia ki lad bad ban noh synniang sha ka jingriewspah ka kolshor jong ka jylla.
U Steve Jyrwa ula pynpaw ka jingsngewnguh ia ki kyntien jong u Lat ka jylla kiba la ai mynsiem ia u bad ula batai ruh shaphang ka jingiaid lynti ka jongu ban kynjoh sha ka thong ka jingjop, ha kaba ula pynpaw ia ka jingioh jingkyrshan na ka iing ka sem, ki nonghikai bad ki paidbah ka Meghalaya.
