Jowai, Naiwieng 19 : Ki Pulit ka West Jaintia Hills hynne ka sngi Ba-ar, kila kem ia uwei u briew ba kyrteng u D.Dkhar jong ka shnong Latyrke, East Jaintia Hills namar ka jingshoh bad thang iala ka kurim ha ka Iingsah ha shnong Niriang kaba hap hapoh ka Thadlaskein Block.
Ki Pulit ki pyntip ba une u briew ula shoh ia a kurim haduh ba kam tip briew shuh bad hadien ula thang ia ka durkhmat bad ka ryndang jong ka.
Kane ka Longkmie hadien ba kyndit bynriew kala pyntip mar mar sha ki bahaiing kiba la pynkit mar mar sha ka Shnong Kut, West Jaintia Hills ban ioh jingsumar na ki nongsumar kynbat.
Ki Pulit ki pyntip ba kane ka jingjia kala jia ha ka 29 tarik Nailur bad hadien katto katne sngi ba jia kane ka jingjia, une u kurim ula wan bad ialam ia ka sha Jowai Civil Hosptal, kaba la phah kit noh sha Civil Hospital Shillong.
Ki iathuh ba hadien ba pynkit hospital, une u briew ula phet rieh hynrei hynne ka sngi kila ioh ban kem noh ia u bad la ialam tian bishar hakhmat ka Iingkashari kaba la phah set ia u hapoh ka Judicial custody ba 15 sngi.
