Shillong, Naiwieng 19: Ka Kong Deblina Khongdup ha ryngkat ki 2 ngut ki dkhot ka National Commission for Women (NCW) ki la leit ban kynduh ia u Lat ka jylla u CH Vijayashankar, ha Raj Bhavan Shillong.
Ha ka jingiakren, ka kynhun jong ka NCW ka la batai ia u Lat shaphang ki sienjam jong ka Commission ban iada bad kyntiew ia ka hok jong ki kynthei ha kylleng ka Ri, da kaba pynleit jingmut kyrpang ha ka Jylla Meghalaya.
Ha kane ka sngi, ki nongialam ka NCW ki la aiti ia ka Khasi Calendar kaba nyngkong eh ha u Lat kaba la shna katkum ka Lunar Cycle kaba kynthup ia ki 13 bnai bad 8 sngi ha ka shi taiew.
Ki la iakren ruh ia ki jingeh bapher bapher kiba ki kynthei ha ka Jylla ki iakynduh bad ka jingdonkam ban iatreilang ban pynthikna ia ka jingpynkupbor bad ka jingbha jingmiat jong ki.
U Lat u la ïaroh ïa ka jingpyrshang jong ka NCW ban weng ïa ki jingeh jong ki kynthei bad ka jingïada ïa ka hok jong ki kynthei.
