Jowai, Naiwieng 20 : Ka West Jaintia Boxing Associatio (WJBA) bad ka Meghalaya People United Front (MPUF) hynnin ka sngi saitjain kila pynkup burom ia lai ngut ki rang iakura ka thain kiba ioh khur takma naka 2nd North East Olympic Games 2022 ha Shillong.
Kine ki lai ngut ki dei u Badonkupar Synnah uba jop takma ksiar ha ka jingiakhun kiba 57-60 kilo, Baiamutlang Sungoh uba ioh takma rnong ha ka 60-63.5 kilo bad Bhalang Shadap ba ioh takma ksiar jong kiba hapoh 63-5-67 kilo.
La pynkup burom ia kine ki rang ialehkai ha ka jingialang ba long ha Ladthadlaboh, Jowai bad la pynshongkun ia ka da ka jingiadonlang u MDC ka Shangpung T Suchiang kum u kongsan.
Kine ki laingut kila ai khublei ia ka Meghalaya Boxing Association kaba la ai jinghikai ia ki haduh artaiew eiei shuwa ban sdang ka Olympic games.
