Agartala, Naiwieng 20: Ki pulit ka Tripura kila kem noh ia arngut ki briew halor ka jingshah kynnoh donkti ha kaba leh beijot ia ki arngut ki khynnah kynthei ha Unakoti districts ka jylla.
Ki pulit ha ka sngi Balang ba la lah kila ioh ban kem noh ia utei u tymmen 88 snem rta halor ka jingkynnoh donkti ha kaba leh beijot iala ka jong ka khun ksiew kaba dang 7 snem rta ha Khowai district.
La kem noh ia une u tymmen hadien ka jingujor da ka kmie jong kane ka khynnah.
Ha kawei pat ka jingjia, uwei u khynnah 18 snem rta ula shah kem noh halor ka jingdonkti ha kaba rahbor leh beijot bad iathoh shongkurim ia kawei ka khynnah kaba dang 14 snem rta ha Unakoti district ka jylla.
La kem noh ia une u khynnah hadien ba ki pulit kila ioh pdiang ia ka jingujor na u kpa jong katei ka khynnah ha ka sngi Palei ba la lah.
Na ka liang ki bor pulit kila pynngat ia u ha kiba bun ki kyndon ain, kata kaba kynthup halor ka kam rahnor, leh beijot bad ka jingpynbor ban iathoh shongkurim ia ka khynnah rit.
Baroh kitei ki arngut mynta kila don hapdeng ka jingshah tohkit na ka bynta 14 sngi, ong u heh pulit ka thain u Jyotishman Das Chowdhury.
