Shillong, Naitung 02: Ka Seiñ Jaiñtia Women’s Wing hynne ka sngi saitjaiñ ia saw ngut ki Longkmie Jaiñtia ba pawkhmat ka Jylla ha ka jingialang bala pynlong ha Seiñ Jaiñtia Hall, Qualapatty.
Kine ki saw ngut ki Longkmie ki dei I Kong RV Suchiang, IAS iba dei u Chief Secretary ka Jylla, I Kong Isawanda Laloo, IAS iba dei i Deputy Commissioner ka East Khasi Hills, I Kong Minimon Laloo iba dei I nongthohkot bad I Kong Triniti Saioo iba la ioh ia ka khusnam Padmashree.
Ia kine ki Longkmie la pynkup burom da u Myntri ka Tnad Arts & Culture bad MLA ka South Shillong Constituency Bah Sanbor Shullai ha ka jingiadonlang ki Nongialam ka Seiñ Jaiñtia bad kiwei kiwei ki kynrem ki lyndan.
