Nongstoin, Nohprah 13 : Ka Meghalaya Goverment Primary School Teachers Association (MGPSTA) Nongstoiñ Unit hynne ka sngi Balang, kala pynkup burom ia 12 ngut ki nonghikai kiba la shongthait na ka kam.
Ia katei ka jingialang pynkup burom la pynlong ha TRYSEM Hall jong ka ophis u Deputy Commissioner West West Khasi Hills ha kaba ki Nonghikai Primary school bapher bapher ka Sorkar ki la ia poi bad iashimbynta.
Ia ka jingialang la pyniaid da u Babu K.K.Lynser President ka MGPSTA Nongstoiñ unit bad la kren pdiang burom ia baroh ki Nonghikai da u Babu S.T.Nongphud Asst secretary ka MGPSTA Mawshynrut sub Unit.
Ha shuwa ban pynkup burom la ioh ia ka jingpynshai ia ka jingtrei kam jong ka Association da u Babu M.S.Ryntong Secretary ka MGPSTA Nongstoiñ unit bad ka jingkren lynkot na u Babu Liewrose Lyngdoh .
La ioh ruh ia ka jingpynshai na u Babu M.Mohrmen President ka MGPSTA sengkmie bad ka jingkren na SDSEO Nongstoiñ uba dei u Symbud kongsan ha katei ka jingialang.
Khatduh eh la ioh ia ka jingkren na u Bah Methodist Dkhar MLA ka Mawshynrut uba la shah khot Kum u kongsan.
