Shillong, Naitung 28 : Ka Khadsawphra College, Mairang, ha ka 25 tarik, kala pynkup burom ia ki samla pule kiba la pyndep ia ka kyrdan pule BA bad B.Com (Hons) naduh u snem 2022-2025.
Ki samla pule kiba la pyndep ia ka BA (Hons) ki long 425 ngut katba ha ka B.Com (Hons) ki long 70 ngut.
Ia kane ka jingialang pynkup burom la pynshongkun da ka jingiadonlang u Commissioner & Secretary ka Sorkar Jylla Vijay Kumar Mantri, ka Controller of Examination ka NEHU Prof Ibadani Syiem, Director ka MBoSE Bah Macdonald Marbiang bad Bah M Diengdoh, ADC ka Eastern West Khasi Hills.
Ki nongkren kila ai ka jingiaroh ia ka college kaba la kiew sted ha baroh ki liang watla kam pat ioh satia ia kano kano ka jingiarap na ka Sorkar haba khmih lynti ba ka College kan nang lah ban ai ia ka jingshakri kaba kham bha shuh shuh ha ki snem ki ban dang wan.
Ha kane ka sngi la sam ruh ia ka Kitdor Memorial Award ba la ju ai sha ki Topper jong ka College bad ia ki Mtab sha ki class XII nalor ki syrnod sha baroh ki Samla ba la pyndep ia ki degree jong ki da ki Kongsan.
La pynphuh pynphieng ia kane ka sngi da ka jingrwai Anthem bad jingrwai Lariti da ki samla pule kane ka College.
 naduh u snem 2022-2025.){kind=link}