Shillong, K’lyngkot 30 : Ka Iingkashari Meghalaya High Court kala pynwai noh ia ka writ petition bala mudui da ka Demthring Sports Club, kaba tynjuh pyrshah ia ka jingpynlong ia ka 17th U Kiang Nangbah Memorial Trophy Super Division Football Tournament da ka West Jaintia District Sports Association (WJDSA).
Ka iingbishar ka la buh jingkylli ia ka jinglah ban pynneh ia ka jingujor, da kaba kdew ba ym biang satia ki sakhi halor ki ujor jong ka seng bad ka jingshisha ba ka jingiakynad ka dei kaba donkti bad ki riew shimet.
Ka nongujor ka la kynnoh ba ka don ka jingleh bym hok bad ki hukum ba be-aiñ kiba ktah ïa ka jingïashim bynta jong ki ha ki jingïalehkai phainal jong kane ka lympung.
Hynrei u Justice HS Thangkhiew ha ka hukum bala mynjur ha ka sngi Thohdieng, u la rai ba katei ka writ petition kam long kaba lah ban pynneh, khlem da bishar bniah ia ka jinglong jingman jong katei ka mukotduma.
.){kind=link}