Shillong, Lber 22 : I Myntri ka Tnad Information & Public Relation Kong Ampareen Lyngdoh hynne ka sngi Balang, ila pyntip ha Iingdorbar Thaw Ain ba haduh T. 29.44 lak la pynlut ha ki kot khubor bad ki hoarding ha kine ki laibnai ba kut jong u snem mang tyngka 2022-2023.
Haba jubab hapoh ka kynta kylli jingkylli, i Kong Ampareen ila ong ba ia kane ka pisa la pynlut na ka Tnad Planning.
Hynrei ila ong ba kam shym don satia ka jingmang pisa bala mang sha ka jingpathai khubor bad kam don satia ka jingpyndonkam shawei ia ka pisa lane sei tam na kiwei ki head of account.
I Myntri ila ong ba ka jingsiew ba T. 29.44 lak la leh beit beit sha ka YouTube (Google ad account 618-234-8095).
Pule lang ia kane: Bluit mih ka Vision Document ka VPP da ka Hindi – “Ym sngewthuh Hindi hynrei thoh bad pule te nang”
