Shillong, Iaiong 24: Hadien ka jingialang bishar kam bad u District Election Officer (DEO), Returning Officer bad ka tnat Pulit naka bynta ban pynkhreh iaka ilekshon ha Sohiong, u Chief Electoral Officer (CEO) ka Jylla bah F.R Kharkongor ula iathuh ba ka jingpynkhreh iaka ilekshon kala iaid shaid shaid.
U bah F.R Kharkongor ula iathuh ba kane ka elekshon ka long kaba kynjah bha bad naka liang ka tnat Ministry of Home Affairs (MHA) bad ka Election Commission of India (ECI) kala phah 5 kyrton ki Pulit CAPF naka bynta ban peitngor ha kane ka ilekshon.
Pule lang ia kane: Pyrshah ki ADC ban pynrung ia ka kyntien ‘Unrepresented Tribe’ bad ‘Village Council’ ha ka Sixth Schedule
Ula iathuh ba haduh mynta 60 tylli ki suloi la wan aiti katkum ki kyndon ka CrPC bad 24 ngut ki briew kila shah pyngat katkum ki kyndon ka the preventive section.
La iathuh ruh ba ki Pulit kila pynieng 3 tylli ki jaka talasi bad haduh mynta 8 tylli ki Case la pyngat hapoh ki kyndon Non-available Warrants bad la bthah ruh iaki Sector officers bad Zonal Officers ban jurip iaki Polling Stations.
Iaka Sohiong constituency la phiah ha ki 2 tylli ki Sector bad 6 tylli ki Zone haka ba 34,000 ngut ki paidbah ki don iaka hok ban Vote ha ki 63 tylli ki Polling Stations.
Naka liang u CEO ruh un leit dala de ban jurip iaki Polling Stations kiba don haduh ki khappud jong ka Ri-Bhoi district haduh ki khappud ka Eastern West Khasi Hills Mairang.
Pule lang ia kane: Dawa ki ADC ia ka Sorkar ban ai jingkhein ba biang thik ba thik halor ka bhah marpoh khyndew
