Tura, K’lyngkot 14: Da ka jingwan poi lut ki nongialehkai na baroh ki District hynne ka step sngi U Blei, ka Tura kala pynkhreh mynta ia ka jingialang plie paidbah kaba heh bha ia ka 5th Meghalaya Games 2024, ka ban long lashai ka sngi Nyngkong.
Ka Jylla kan thaw histori ha ka 15 tarik Kyllalyngkot 2024 haba ka President ka Ri Droupadi Murmu, kan plie paidbah iaka 5th Meghalaya Games ha PA Sangma Stadium, Tura. Kane ka dei ruh ka sien ba nyngkong ha ka histori ba ia ka Meghalaya Games la pynlong shabar ka Nongbah Shillong.
Ki bor khmih ka Meghalaya State Olympics Association (MSOA) bad ki bor District ka West Garo Hills, kila pdiang sngewbha ia ki kynhun ialehkai ba khatduh eh ki ban wan poi ha Tura hynne ha ISBT, ki ban ialehkai ha ka Meghalaya Games 2024.
Kane ka kynhun ba wan poi ha ISBT, Tura, kila shah pdiang sngewbha da ka ki jingput jingtem na ka kynhun Meghalaya Grassroot Music Project, ban pynrhem ia ka mynsiem ialehkai ha ki.
Ha ka por janmiet, kala don ha jingialehkai kilan da ki riam ba pura jong ka Inauguration Ceremony ha PA Sangma Stadium ban pynthikna ba ka jingialang plie kan iaid beit iaid ryntih.
Jan kot 3000 ngut ki nongialehkai kin iashimbynta ha ka 5th Meghalaya Games ha ki 23 tylli ki discipline, ki ban ialehkai ha ki 16 tylli ki jaka ialehkai kiba don ha kylleng ka sor Tura.
