Shillong, Risaw 31: Ka sorkar jylla lyngba ka tnat kam jngohkai pyrthei ka don jingthmu ban wanrah daka Polisi bad ka ain ba mana ban tei jingtei ha ki katto katne ki jaka jngohkai ha kylleng ka jylla Meghalaya.
Ia kane la pynbna da u Myntri ka tnat kam jngohkai pyrthei Bah Paul Lyngdoh hadien ka Consultation Workshop bala pynlong ha Pine Wood Hotel.
Kat kum ka jingong jong u, kane ka jingthmu ban wanrah daka Polisi kadei naka bynta ban pynneh pynsah iaki jaka ba itynnad hapoh ka jylla baroh kawei.
U Bah Paul ula ong ba naka liang ka tnat jngohkai pyrthei ka don ruh iaka jingthmu ban buh noh daka Tourist Body naka bynta ban peit iaka bha ka miat bad iaka jinglong shngain ki nongwan shangkai pyrthei kiba wan ha Meghalaya.
Ula iathuh ba kiwei jylla hapoh ka Ri India ki don daki Tourism Police ban peit iaka bha ka miat bad ka jinglong shngain ki nongwan shangkai hynrei ula pyntip ba ha Meghalaya ka dang iahap ban don daka Tourist Body.
“Naka bynta ban pynneh pynsah iaki jaka ba itynnad ha Meghalaya, ka sorkar kan wanrah syndon daka Bill hapoh ka ïing dorbar thawain bad ka policy, kiba mana ban tei jingtei, ban tih marpoh khyndew lane ban tei iaki karkhana Coke ha kum kine ki jaka” ong u bah Paul.
U Bah Paul ula ong ba ka jingdon iaka Polisi bad ka ain kan iarap iaka sorkar ban pynbna ia ki katto katne ki jaka hapoh Meghalaya kum ki ‘Eco Sensitive Zone’ bad ha kum kine ki jaka, yn pyrkhing ruh iaka jingiarung ia mih ki briew
