Shillong, Jylliew 06 : U Myntri ka Tnad Pule Puthi Rakkam A Sangma ha ka sngi Palei, ula pyntip ba ka Sorkar Jylla kala shim ia ka rai ban pyntreikam noh da ka ‘Step Marking System’ ha ka Meghalaya Board of School Education (MBoSE).
Haba iakren bad ki nongthoh khubor, u Rakkam ula ong “Ngi don ka jingthmu ban pyntreikam noh da ka step marking system hapoh ka MBoSE” bad bynrap “Ngin sa shong bishar bha ia kane bad ngin sa shim rai la kane ka rukom treikam kan longne em ban wanrah hangne ha Meghalaya”.
Haba kylli, u Rakkam ula ong ba ka CBSE bad ICSE kila pyntreikam da ka Grading bad Marking System haba ai marks ia ka eksam.
“Kaei kaba jia ka long ba lada ia ka jingkylli ba 5 mark la ai ha ka mathematic, ki don ki rukom khein ne formula kumno ban khein hynrei hadien lada ki khynnah ki khein ia ka formula kaba dei katba kaba mih ka dei kaba bakla, kat kum ka CBSE bad ICSE pattern, ki khynnah kin dang ioh hi 4 lane 3 mark na kane ka jingkylli katba kaei kaba long ha ngi, shisien bala lait, ka mut beit bala ioh nod” ula ong.
.){kind=link}