Shillong, Jylliew 27 : Ka Sorkar Jylla kala pynkhreh ban tei ia ka Experiential Resort ha Mawmluh bad ka Rain Museum ha Mawsynram, ban kyntiew shuh shuh ia ki kam jngohkai ha Jylla.
Kat kum ka jingiathuh u Myntri kam Jngohkai Bah Paul Lyngdoh, ka Experiential Resort ha Mawmluh kan pyni sha ka pyrthei ia ka Meghalayan Age, ka juk jong ka pyrthei.
U pyntip ba kane ka project kala ioh ia ka jingmang tyngka bad la dep ruh ban ai ia ka tender.
U Myntri ula pynbna ruh ban tei ia ka rain museum ha Mawsynram, kaba la dep ban mang tyngka. Ka jingpynlut bala mang ia kane ka project ka long T.35 klur.
“Ka jingpyntrei ia ka rain museum la khmih lynti ba kan sdang mar synkut ka aiom lyiur” ula bynrap.
Kine ki project ki pyni ia ka jingkut jingmut ka Sorkar ban pynkylla ia ka jingitynnad ka mei mariang ka Jylla sha ka jingshem ba lah ban mad, ym ban shu kut tang ha ka jingpule, ong u Bah Paul haba bynrap ba kine ki project kin pyni ia ka jinglong ba kyrpad ka Jylla bad kan iarap ban kyntiew ia ki kam jngohkai.
