spot_img

Pynkhreh ka Sorkar ban pynim biang ia ka MoU ban pyntrei ia ka Kynshi Hydro Project Stage-I

Date:

Share post:

Shillong, Naitung 03 : Ka Sorkar Jylla kala pynkhreh ban pynim biang ia ka Memorandum of Understanding (MoU) bala iasoi bad ka M/s Athena Pvt Ltd na ka bynta ban pyntrei iaka Kynshi Hydro Power Project Stage-I.

U Myntri bording AT Mondal ha ka sngi Palei ula pynbna ba ka jingtyrwa ban pynim biang ia ka MoU yn sa rah shen sha ka jingialang jong ka Kynhun Myntri.

Ia kane ka projecr la ai nyngkong sha ka M/s Athena Pvt Ltd ba kan shu den iaka wah (Run of the River). Hynrei, ka kompani hadien kala tyrwa ia ka hybrid model ba pynrunglang ia ka Pump Storage Project (PSP) Technology. Namar ka jingbym don ka kyndon PSP ha ka MoU kaba rum bad ha ka Power Policy ka Jylla, ka Kynhun Myntri kala rai ban pyndam noh ia ka MoU kaba rim.

Da ka policy thymmai ba pynrung lang ia ka PSP, ka M/S Athena Pvt Ltd kala jied ban leit biang sha ka jingtyrwa ba nyngkong ban shu den ia ka Wah khlem da leh ia ka PSP.

“Da ka jingwan ka technology thymmai, ki (Athena) la ong ba ka RoR ruh ka biang ban pyntrei, Kumta ki kwah ban pyntrei da ka jingtyrwa kaba rim khlem ka PSP. Namaar ngi la pynduh ia ka MoU barim ha ka Kynhun Myntri, ngi hap ban rah biang sha ka jingialang ka Kynhun Myntri ban pynim ia ka MoU kaba rim. Kane ka dei kaba long ba man mynta” ong u Mondal haba iakren bad ki nongthoh khubor.

U Mondal ula iathuh baka Sorkar Jylla kan ioh ei 12% ka bording hadien ba pyndep ia ka project bad 1% yn buh sha ka roi ka par jong ki shnong ka thain.

U Myntri ula iakynduh ruh ia ka kynhun jong ka Joint Committee of Local People on Kynshi Hydro Power Project (JCLPKHPP), haba pynpaw ia ka jingangnud ban pyntrei noh ia ka project.

Ula kular ia ka kynhun ba un s alum ia ka jingialang ban wanrah ia ka jingiatreilang hapdeng ka Sorkar, ka kompani bad ki kynhun bapher bapher ka thain.

Share post:

spot_img
spot_img

Popular

More like this
Related

Lum ka Meghalaya ia ki Jylla NE ba iapynlong lang ia ka National Games 2027 ha Shillong

Shillong, July 26: Kum ka sienjam n aka jingpynkhreh...

Plie u CM ia ka 134th Durand Cup ha Shillong | Pynliem ka Shillong Lajong da 6 kol ia ka Malaysia

Shillong, Naitung 26: Ka Jawaharlal Nehru Stadium, sa shisien...

Phet krad lut ki nongtrei bar jylla marsien leit khynra kot ka FKJGP ha LPG Bottling Plant ka IOCL

Nongpoh, Naitung 26: Ka Federation of Khasi Jaintia and...

Pat shim rai ka HSPDP ban bujli Myntri hapdeng ki 2 ngut ki MLA hapoh ka Sorkar MDA

Shillong, Naitung 26: Hapdeng ka jingsawa ka khubor bujli...