Nongpoh, Naiwieng 05: Ban pynkhlaiñ ïa ki nongïalam shnong kiba don ha ki shnong khappud ka jylla hapoh ka Them Marwet, Ri Bhoi District, mynta ka sngi ki nongïalam ka Synjuk Ki Rangbah Shnong Ri Bhoi District ki la hiar ban leit pynskhem ïa ki nongïalam ka Synjuk ki Rangbah Shnong ka Them Marwet ha ka shnong Umtyrnga.
Ïa ki nongkitkam ka SKRS Raid Marwet la pynskhem da u Bah BB Makdoh, President ka SKRS Ri Bhoi District, ha ka jingïadonlang u Bah PB Sylliang Secretary nalor kiwei kiwei ki rangbah shnong na ki shnong bapher bapher ka Them Marwet.
Ki nongkitkam ba thymmai jong ka SKRS Them Marwet ki kynthup ïa u Besterwell Shylla kum u Chairman, u Bah Elin Sutnga Vice Chairman, Bah Regular Pohshna kum u Vice co- Chairman, Bah Boney Khongmalai kum u General Secretary bad kiwei dei ki nongkitkam bad ki 6 Ngut ki Executive member
Haba kren ha kane ka sngi, u Bah BB Makdoh, u la pynpaw ba ka jingthaw ïa kane ka Synjuk ha Them Marwet ka dei eh na ka bynta ban wanrah ka jingïatylli hapdeng ki Rangbah Shnong kiba hap hapoh ka dong Ri Bhoi District khamtam ha ki shnong khappud bad ban pynkhlain shuh shuh ia ka bor ki Rangbah Shnong ha kawei ka shatri.
U la ong ruh, ba ka jingïatrei lang bad ki unit bapher bapher kan kham pynsuk ïa ka Synjuk ban treikam wat lada don ka jingiakhih ne kano kano ka jingdawa ha kawei ka shatri ha kawei ka sur kan long kaba khlaiñ bad pynurlong ia ki jingkwah na ka bynta ka bha ka miat ka imlang sahlang hapoh shnong ha thaw.
