Shillong, K’lyngkot 10 : Ka Deputy Commissioner ka East Khasi Hills Kong RM Kurbah, kala pynjari ia ka kyndon 144 CRPC hapoh ka District, kaba khang pyrshah ia ki briew ne ki kynhun ban pyniap pathar ia ki dohkha ha ki wah ba don hapoh ka District da kaba kawang bomb ne ki dawai bih.
Ia kane ka hukum la pynmih halor ka jingioh khubor ba ka don ka jingpyniap pathar ia ki dohkha dohpnat ha ka Shka Wah Umsoh sha Shka Wah Umsong bad Wahjaduh (ki wah kiba tuid sha Wah Umngot).
Ka DC ka ong ba kane ka jingpynbthei bomb bad ber dawai bih ha ki wah ka lah ban lam sha ka jingiap pathar jong ki dohkha dohpnat bad lah ban pynduhjait ruh ia ki dohkha trai ri nalor ka jingpynjot ia ka mariang bad buh jingma ia ka koit ka khiah ia ka jingim ki briew.
.){kind=link}