Shillong, Nailar 21: Ha ka sien kaba nyngkong ha jylla Meghalaya, kawei ka Company die kali ka la pynieng 5 tylli ki jaka charge kali ba pyndonkam da ki kali ileltrik lane (Electric Vehicle) naka bynta ki paidbah, kaba ai ia ka jingshakri khlem jingsiew bad kiba treikam baroh shisngi.
Ka company Queency Motors kala pynieng ia kine ki jaka charge kali paidbah ha Mawlai Mawiong hajan Frank Motors, Laitkor (Frank Motors Workshop), Keating Road (Frank Yamaha Showroom), bad ha ar tylli ki jaka ha Nongpoh kata ha Frank Motors bad Café Coffee Day.
Ki heh jong ka company ki la ong ba kane ka jingthmu ka long ban kyntiew bad pynshlur iaki paidbah ba kin pyndonkam daki kali elektrik.
“Ka bynta kaba bha tam ka long ba kane ka jaka charge ka long kaba treikam 24×7. Kane ka dei ka rukom jong ngi ban pynsuk ia ka jingleit jingwan jong ki paidbah ba pyndonkam daki kali ilektrik kane ki EV” la ong ka Queency Motors ha ka kyrwoh.
Haba pdiang sngewbha ïa kane ka jingthmu, u heh ophisar na ka tnat Transport u la ong, “Kane ka dei ka sienjam kaba biang bha bala shim da ki riew shimet ha kaba kyrshan ïa ki jingpyrshang jong ka Jylla ban kyntiew ïa ka jingpyndonkam kali ilektrik”.
Ka tnat Transport ka la ong ba kan pynshlur shuh ïa ki jingïatreilang hapdeng ki paidbah bad ki riew shimet ban pyntyllun iaka polisi kaba khuid bad kaba neh daka ba pyndonkam daki kali ilektrik.
 naka bynta ki paidbah, kaba ai ia ka jingshakri khlem jingsiew bad kiba treikam baroh shisngi.){kind=link}