Itanagar, Nailar 25: U MLA ba marwei ka party Janata Dal-United (JD-U) ha Arunachal Pradesh, u Techi Kaso ula leit ban pyniasoh noh ia lade bad ka seng BJP.
U Techi Kaso, u MLA na Itanagar constituency ula phah ia ka jingthoh kaba iadei bad ka jingleit pyniasoh sha u Symbud lamphang ka Arunachal Pradesh hynnin ka sngi Balang.
Na ka liang u symbud lamphang ka Arunachal Pradesh, u Tesam Pongte ruh ula pdiang ia kane ka jingwan pyniasoh jong une u MLA sha ka seng BJP.
Da ka jingleit pyniasoh jong u Kasi sha ka BJP, Ka jingkhlain jong ka saffron party mynta ka long haduh 49 ngut ki dkhot hapoh ka iingdorbar kaba don 60 ngut ki dkhot.
Ka JD-U kala kylla long ka party kaba ar ka jingbun paid ha Arunachal Pradesh ha ka snem 2019 hadien ba kala jop hynniew tylli ki seat ha ka ilekshon assembly.Hynrei, ha u bnai Nohprah 2020, hynriew ngut ki MLA ka JD-U kila leit ban pyniasoh noh ia lade bad ka sorkar synshar BJP.
