Nongstoiñ, K’lyngkot 27: Katkum ka khubor pulit la ïathuh ba ha ka 27 tarik mynta u bnai, ki pulit ka Nongstoiñ PS ki la ioh jingtip na u rangbah shnong ka shnong Langlew West Khasi Hills, ba uwei u briew ba tip kyrteng u (L) Tiarsingh Sohshang 68 snem ka karta na katei ka shnong, u la khlad noh ha ïing sah hadien ba u la shah shoh shah dat ha la u jong u khun.
Na ka liang u Officer Incharge u la leit ban jurip bad tohkit bad la lap ba u ba shah pynïap u la shah pyniap ha u khun u ba don ka jingpang ha ka bor pyrkhat bor jabieng (mental illness). Ki pulit ki la kem noh ïa u Drasdingwell Lyngkhoi 25 snem ka karta bad la rah ïa u sha Civil Hospital Nongstoiñ na ka bynta ki jingdonkam.
 Tiarsingh Sohshang 68 snem ka karta na katei ka shnong, u la khlad noh ha ïing sah hadien ba u la shah shoh shah dat ha la u jong u khun.){kind=link}