Guwahati, Nailar 16 : Uwei u briew la kynnoh ba u la pyniap dusmon ia la ka jong ka kurim ka ba dang armet namar ka dowry ha Hajo ha ka thain ba pajih na ka sorbah Guwahati.
Katkum ki khubor la ong ba utei u briew ia u ba la tip kyrteng kum u Safikul Haque u la ksih iap ia la ka jong ka kurim 23 snem rta bad phasi ia ka met jong ka ha la iing.
Ki khubor ki iathuh ba kane ka longkmie ba la khlad noh ka la pyndep ia ka jingiathoh shongkurim bad u Haque dang shi snem mynta.
Na ka liang ki ba haiing hasem jong katei ka lanot ki la kynnoh ba une u briew u la ksih iap ia ka khun jong ki hadien ka jingiania ka ba jur halor ka dowry.
Nalor kata ki la kynnoh ruh ba u Safikul u la thombor ia la ka kurim mynta la slem bha namar ka jingdawa dowry.
Hadien ka jingujor da ki ba haiing hasem jong katei ka lanot, na ka liang ki bor pulit ka Hajo ki la pynngat case bad sdang ruh ban pynlong ka jingtohkit halor kane ka jingjia.
