Nongpoh,Risaw 12: Ka Jylla Meghalaya hynne ka sngi ka la ïoh biang ban sakhi ïaka tamasa kieng lieng bala tip kum ka Meghalaya Kayak festival 2023 ba la pynlong ha ka Wah Umtrew, White Water kaba hap hapoh ka shnong Umtham, Ri-Bhoi District.
Ia kane ka tamasa la pynlong da ka Ri-Bhoi Water Sports & Tourism Cooperative Society Ltd ha ryngkat ka jingiatreilang bad ka Tnad Sports & Youth Affairs ka Jylla.
Kane ka tamasa ka dei kaba hynriew bala pynlong ha ka Wah Umtrew bad bun ki nongkieng lieng na kylleng ki ri ka pyrthei ha ryngkat bad ki nongkieng lieng jong ka jylla ki la ïa wan ban iashimbynta.
Haba kren naka liang ka kong Lary kordor Kharkhrang Dkhot jong ka Ri-Bhoi Water Sports & Tourism Cooperative Society Ltd ka la ïathuh ba ha kane ka jingïakop kieng lieng ki don haduh 25 ngut ki nongkieng lieng kiba nabar ka ri kiba la ïawan ban ïashim bynta ha kane ka tamasa.
Ka iathuh ba na Meghalaya, 3 ngut ki nongkieng lieng kiban ïakhun haka professional category bad 8 ngut ki ban ïakhun haka intermediate category.
Ka la ïathuh ruh ba ha kane ka sngi sdang la ïoh ban pynïalehkai shwa ïaki khynnah rit haka intermediate category bad ïaki ba sah yn sa bteng pat ha ki sngi ki ban sa bud.
